હાલમાં એક ખુબ આશ્વર્યજનક સમાચાર સામે આવ્યા છે. અમરીષ પટેલ અમદાવાદના વતની છે તેમજ તેમણે પોતાના ઘરના પરંપરાગત ઉર્જા સ્ત્રોતોને બદલે સૌર ઉર્જાને પ્રાથમિકતા આપવામાં આવી છે. આ જ એક કારણ છે કે, તેમણે છેલ્લાં કેટલાક સમયથી વીજળીનું કોઈ બિલ ચુકવ્યુ નથી. એવું નથી કે તેમને બિલ આવતું જ નથી પરંતુ સૌર્જ ઉર્જાનો ઉપયોગ કરીને તેમણે વીજ બિલને શૂન્ય કરી દીધું છે.
શહેરમાં આવેલ થલતેજ વિસ્તારમાં રહેતા તેમજ સંપૂર્ણરીતે પ્રકૃતિ સાથે સુમેળ સાધીને જીવવામાં માનતા અમરીષભાઈનો ભવ્ય બંગલો છે. તેમાં 8 AC, 3 ફ્રિજ, 20 પંખા તથા અન્ય ઈલેક્ટ્રિક સાધનો છે. એક સમયે તેમના ઘરનું લાઈટબિલ 25,000 રૂપિયા આવતું હતું, જેમાં ઘટાડો થઈને શૂન્ય થયું છે.
આટલુ જ નહીં પણ 3,000 રૂપિયા ક્રેડિટ પણ રહે છે. આની માટે કારણભૂત સૌર ઉર્જાનો ઉપયોગ થાય છે. અમરીષભાઈ પાસે જગ્યા તો હતી જયારે બીજી તરફ સરકાર પણ સોલર ઉર્જાના ઉપયોગ માટે પ્રોત્સાહન આપી રહી છે. જેને લીધે 2.5 વર્ષ અગાઉ 5 કિલોવૉટની સોલર પેનલ નખાવી હતી. જે તેમને સબસિડી બાદ 1,60,000 ખર્ચ થયો હતો.
અમરીષભાઈ જણાવે છે કે, જેના ઘરમાં જગ્યા હોય તેમણે સોલર પેનલ અવશ્ય લગાવવી જોઈએ. કારણ કે, આ એક વન ટાઇમ ઈન્વેસ્ટમેન્ટ જેવું છે. આમાં બીજું કઈં મેન્ટેનેન્સ નથી. સપ્તાહમાં એકવખત છૂટા પાણીથી સાફ કરી દઈએ એટલે ધોવાઇ જાય છે તેમજ ચોમાસામાં તો તેની પણ જરૂર રહેતી નથી. સોલર પેનલ પરથી ધૂળ નીકળી જાય એટલે વધારેમાં વધારે સૂર્ય-ઉર્જા તેમાં શોષાય છે તથા વધુ પાવર ઉત્પન્ન થાય છે.
વર્ષો સુધી અમેરિકામાં આવેલ લૉસએંજેલસથી આવેલ અમરીષભાઈ RO ના પાણીનો ઉપયોગ કરતા નથી. તેમનું માનવું છે કે, ROના ઉપયોગથી અંદાજે બમણી માત્રામાં પાણીનો બગાડ થાય છે એટલે કે, તેઓ કોર્પોરેશન તરફથી આપવામાં આવતા નર્મદાના પાણીને જ કાચના વાસણમાં ભરે છે તેમજ તેને એક આખો દિવસ સૂરજના તડકામાં રાખવામાં આવે છે.
ઘરની આસપાસ અમરીષભાઈએ અંદાજે 16 મોટાં વૃક્ષનું વાવેતર કર્યું છે તેમજ 70 કુંડાંમાં છોડ પણ છે. જયારે ધાબામાં કરવામાં આવેલ ગાર્ડનમાં પણ અંદાજે 70 છોડ આવેલા છે કે, જેમાં તેઓ ખુબ ઓછી માવજત કરવી પડે તેમજ સુંદર ફૂલો આવે તેવા છોડને પ્રાધાન્ય આપે છે.
આની ઉપરાંત સપ્તપર્ણી, આસોપાલવ સહિતનાં ઝાડ છે. જયારે ઉપરના બીજા ધાબામાં તેઓ વેજિટેબલ ગાર્ડન બનાવવાનો તેમનો પ્લાન પણ છે કે, જેને લીધે ભવિષ્યમાં એકપણ શાકભાજી લાવવાની જરૂર ન પડે તેમજ ઘરે જ જૈવિક રીતે શાકભાજી બારેયમાસ મળી રહે છે.
અમરીષભાઈ તથા તેમના પરિવાર માટે ગાર્ડનિંગ એક અદભુત અનુભવ છે. ઘરમાં હરિયાળીને લીધે સકારાત્મકતા જળવાઈ રહે છે. રાત્રે હરિયાળી વચ્ચે સૂવાથી ઊંઘ તો સરસ આવે જ છે જયારે સાથોસાથ સવારમાં પક્ષીઓના કલરવની સાથે ઊઠવાથી મન પણ ખુબ ખુશ રહે છે.
