યુક્રેનમાં એક 10 વર્ષની બાળકીનું મોત થયું,જેનું શરીર 70 વર્ષની વય હોય તેવું થઈ ગયું હતું.આ બાળકીના મોતને કારણે કલા પ્રેમીઓએ ભારે હાલાકી ભોગવી છે.આ છોકરીએ બંને હાથથી પેઇન્ટિંગમાં નિપુણતા મેળવી હતી. ડોક્ટરોએ દાવો કર્યો છે કે આ છોકરી આવા અસાધ્ય રોગ સામે લડતી હતી,જે રોગ આખા વિશ્વમાં ફક્ત 178 દર્દીઓ છે.
યુક્રેનની 10 વર્ષીય બાળકીનું નામ ઇરિના ‘ઇરોચકા’ ખીમિચ હતું.ઇરિના પ્રોજેરિયા નામની દુર્લભ બીમારી થી પીડાતી હતી,જે તેની ઉંમરને સામાન્ય દર કરતાં આઠ ગણી બનાવી રહી હતી.ડોકટરો કહે છે કે કલાકાર ઈરિના ‘ઇરોચકા’ ખીમિચ માત્ર 10 વર્ષની હતી,પરંતુ તેનું શરીર 70 વર્ષ હોય તેવું લાગી રહ્યું હતું.
ડોકટરોએ કહ્યું હતું કે દર વર્ષે તેના શરીરમાં લગભગ 10 વર્ષનો વધારો થતો હતો,તે તેની આ રોગની સારવાર માટે અમેરિકાના બોસ્ટન જઇ શકે તે પહેલાં જ તેનું મોત નીપજ્યું હતું.યુરોપિયન ઉદ્યોગપતિ એન્ડ્રી જેંડેસેંકો,જેમણે ઇરોચકાને આ રોગ માટે નાણાં એકત્રિત કરવામાં ખુબજ મદદ કરી હતી,કહ્યું હતું કે “એક નાજુક,અજોડ અને પ્રતિભાશાળી છોકરી જેણે ભયાનક અને દુર્લભ બીમારી પ્રોજેરિયા સાથે દસ વર્ષ બહાદુરીથી લડત આપી હતી.
”તેમણે કહ્યું કે “તેણે બંને હાથથી જુદા જુદા ચિત્રો દોર્યા.તે માનવામાં ન આવે તેવું છે.અમને આનંદ છે કે અમે તેમનું કાર્ય બતાવી શક્યા.તેનામાં ખૂબ જ પ્રેમ,શક્તિ અને આવડત હતી.
