અજબ ગજબ પ્રેમ કહાની: છોકરો અંધ છે અને છોકરી ચાલી નથી શકતી છતાં કર્યા લગ્ન

0
17
Published on: 2:14 pm, Fri, 16 July 21

મધ્યપ્રદેશના બેતુલ જિલ્લામાંથી અજબ પ્રેમની કહાની સામે આવી છે.જે આજ સુધી તમે ફક્ત બોલિવૂડની ફિલ્મોમાં અને ટીવીમાં જોયુ હશે.આ લવ સ્ટોરી બે દિવ્યાંગની છે,જ્યાં પ્રેમી આંખોથી જોઈ શકતો નથી,અને પ્રેમિકા ચાલી શકતી નથી,કારણ કે તેના બંને પગ દિવ્યાંગ છે.યુવતી ભોપાલમાં સરકારી વિભાગમાં કામ કરે છે.

પ્રેમી પાસે કોઈ નોકરી ન હોવાના કારણે છોકરો લગ્ન કરી રહ્યો ન હતો.તેણે કહ્યું કે જ્યાં સુધી તેની પાસે થોડા પૈસા ના થાય ત્યાં સુધી લગ્ન નહીં કરે.આને કારણે,તેમના સંબંધોમાં અંતર હતા અને તેઓ અલગ થઈ ગયા,પરંતુ હવે 11 વર્ષ પછી,બંનેનો સાચો પ્રેમ મુકામ પર પહોંચ્યો અને તે એક થઈ ગયા.

આ બંને દિવ્યાંગ પ્રેમીઓ લગભગ 11 વર્ષથી એકબીજાને ઓળખે છે.બંનેની પહેલી મુલાકાત અને મિત્રતા કોલેજમાં ભણતી વખતે થઈ.તે પછી તેઓ એકબીજાને પસંદ કરવા લાગ્યા.તે જ સમયે,ગર્લફ્રેન્ડ પણ સરકારી નોકરી માટે સ્પર્ધાત્મક પરીક્ષાની તૈયારીકરી રહી હતી.ત્યાર બાદ તેને નોકરી મળી અને તે ભોપાલ માં રહેવા લાગી.

બંનેની પ્રેમ કહાની કહેતા ડીએસપી પલ્લવી ગૌરે કહ્યું કે છોકરો તેની આત્મ-સન્માનને કારણે યુવતી સાથે લગ્ન કરવા માંગતો ન હતો.પરંતુ તે હવે પૈસા કમાઈ ચુક્યો હોવાથી લગ્ન કરશે.ઘણા વર્ષો પછી પણ,યુવતી હજી પણ તેને પ્રેમ કરતી હતી.

સંબંધ તૂટવાનો જ હતો એ સમયે , યુવતી તેની કહાની સાથે ફેમિલી કાઉન્સલિંગ સેન્ટર પર પહોંચી હતી.આ પછી મહિલા અધિકારીઓએ છોકરાને સમજાવ્યું અને તેનું લગ્ન કરવાનું નક્કી કર્યું