વિશ્વના અન્ય ઘણા દેશોમાં કોવિડ-19ના નવા સ્વરૂપ ઓમિક્રોન વેરિએન્ટના કેસ સામે આવ્યા બાદ ઘણી સરકારોએ પોતપોતાના દેશોની સરહદો બંધ કરવા જેવા પગલાં લીધા છે. ઓમિક્રોન વધુ ચેપી હોવાની અને તેની રસી તટસ્થ થવાની ચિંતા છે. કોરોનાવાયરસનું આ નવું સ્વરૂપ સૌપ્રથમ દક્ષિણ આફ્રિકામાં ઓળખાયું, તે અત્યાર સુધીમાં 15 થી વધુ દેશોમાં ફેલાયું છે.
તે જ સમયે, વૈજ્ઞાનિકોનું કહેવું છે કે હજુ સુધી એ સ્પષ્ટ નથી થયું કે, કોરોના વાયરસ (કોવિડ 19)નું આ સ્વરૂપ પહેલાના સ્વરૂપો કરતા વધુ ખતરનાક કેમ છે. દક્ષિણ આફ્રિકાના સંશોધકો દ્વારા થોડા દિવસો પહેલા નવા પ્રકારની ઓળખ કરવામાં આવી હતી અને હજુ સુધી તે વધુ સંક્રમિત છે કે દર્દીને ગંભીર રીતે બીમાર બનાવે છે અથવા તેની રસીની અસરને નકારી કાઢે છે તે અંગે હજુ સુધી કોઈ માહિતી ઉપલબ્ધ નથી. પરંતુ ઘણા દેશોએ સાવચેતીના પગલાં લીધા છે. કોવિડ-19 મહામારીને કારણે વિશ્વભરમાં 50 લાખથી વધુ લોકોના મોત થયા છે.
જાણો શું છે ઓમિક્રોન ઈન્ફેક્શનના લક્ષણો?
દક્ષિણ આફ્રિકામાં સૌથી પહેલાં એમિક્રોન વેરિએન્ટ ઓળખનારી એક તબીબે જણાવતા કહ્યું છે કે, મેં તેના લક્ષણ સૌથી પહેલાં નાની ઉંમરના એક વ્યક્તિમાં જોયા હતા. જે વ્યક્તિની અંદાજે ઉમર 30 વર્ષની હતી. તેમણે વધુમાં જણાવતા કહ્યું છે કે, દર્દી ખૂબ થાકેલો રહેતો હતો. તેને હળવા માથાના દુ:ખાવાની સાથે આખા શરીરમાં પણ દુઃખાવો થતો હતો. અને ગળામાં ખારાશની જગ્યાએ ગળુ પણ છોલાઈ જતુ હોવાની ફરિયાદ મળી હતી. આ શખ્સને ઉધરસ આવતી નહોતી અને સ્વાદ ના આવે તેવા પણ કોઈ લક્ષણો જોવા મળ્યા નહોતા. પરંતુ હજુ સતાવાર રીતે ઓમિક્રોન ઈન્ફેક્શનના લક્ષણો કેવા હશે તેને લઇને હજી સુધી કોઈ સ્પષ્ટ દાવો કરવામાં આવ્યો નથી.
અત્યાર સુધીમાં, વિશ્વના 15 થી વધુ દેશોમાં ઓમિક્રોન નામના કોરોના વાયરસનું નવું સ્વરૂપ જોવા મળ્યું છે. જેમાં દક્ષિણ આફ્રિકા, બોત્સ્વાના, બેલ્જિયમ, હોંગકોંગ, ઈઝરાયેલ, બ્રિટન, નેધરલેન્ડ, જર્મની, ચેક રિપબ્લિક, ઓસ્ટ્રિયા, ડેનમાર્ક, ઓસ્ટ્રેલિયા, ઈટાલી, કેનેડા અને ફ્રાન્સનો સમાવેશ થાય છે. ઈઝરાયેલે વિદેશીઓના પ્રવેશ પર પ્રતિબંધ લગાવવાનો નિર્ણય લીધો છે. મોરોક્કોએ કહ્યું છે કે તે આગામી બે અઠવાડિયા માટે સોમવારથી તમામ ઇનકમિંગ ફ્લાઇટ્સ સ્થગિત કરશે. હોંગકોંગથી લઈને યુરોપ અને ઉત્તર અમેરિકા સુધીના ઘણા સ્થળોના વૈજ્ઞાનિકોએ આ સ્વરૂપની હાજરીની ઓળખ કરી છે.
રવિવારે નેધરલેન્ડ્સમાં ઓમિક્રોનના 13 કેસ નોંધાયા હતા. આ પછી કેનેડા અને ઓસ્ટ્રેલિયામાંથી બે-બે કેસ નોંધાયા હતા. વર્લ્ડ હેલ્થ ઓર્ગેનાઈઝેશન (WHO) એ ઘણા દેશોમાં નવા પ્રકારના કેસો અને સરહદ બંધ જેવા પગલાંની મર્યાદિત અસરને ધ્યાનમાં રાખીને સરહદો બંધ ન કરવાનું સૂચન કર્યું છે.
સ્ક્રીનને ડાબી તરફ સ્વાઇપ કરીને બીજા આર્ટિકલ્સ પણ વાંચો…. <—<—
અમારુ આ આર્ટીકલ વાચવા માટે તમારો ખુબ ખુબ આભાર,અમે આશા રાખીએ છીએ કે તમને અમારુ આ આર્ટીકલ ગમ્યું હશે આ આર્ટીકલ તમારા મિત્રો સાથે શેર કરો.
જીવન જરૂરિયાત તેમજ અન્ય મહત્વની માહિતી મેળવવા માટે આપણું સૌનુ ફેવરીટ @KhedutSupportPage ફેસુબક પેજ લાઇક કરો. આભાર…
