Mudra Gairola got 53rd rank in UPSC: ઉત્તરાખંડ (Uttarakhand) ની મુદ્રા ગૈરોલા (Mudra Gairola)એ UPSC સિવિલ સર્વિસીસ 2022 (UPSC Civil Services 2022)માં 53મો રેન્ક મેળવ્યો છે. મળેલી માહિતી અનુસાર મુદ્રા કર્ણપ્રયાગની રહેવાસી છે. તેણે ગયા વર્ષે UPSC 2021ની પરીક્ષામાં 165મો રેન્ક મેળવ્યો હતો. તે હાલમાં હૈદરાબાદની સરદાર વલ્લભભાઈ પટેલ પોલીસ એકેડમીમાં આઈપીએસની તાલીમ લઈ રહી છે.
બાળપણથી જ છે ટોપર
મુદ્રા ગાયરોલાના પિતા અરુણ ગેરોલા સાથે વાત કરતા તેમણે જણાવ્યું હતું કે તેમની પુત્રી બાળપણથી જ ટોપર હતી. મુદ્રાએ ધોરણ 10માં 96 ટકા અને ધોરણ 12માં 97 ટકા મેળવ્યા હતા. સ્કૂલનો અભ્યાસ પૂરો કર્યા પછી, મુદ્રાએ ડેન્ટલનો અભ્યાસ મુંબઈથી કર્યો હતો, મુદ્રા બીડીએસમાં પણ ગોલ્ડ મેડલિસ્ટ હતી. ડિગ્રી પૂર્ણ કર્યા બાદ તે દિલ્હી આવી અને MDSમાં એડમિશન લીધું. તે દરમિયાન તેણે યુપીએસસી તરફ ધ્યાન આપ્યું અને તૈયારી શરૂ કરી.
મુદ્રા UPSC 2018 ની પરીક્ષામાં ઇન્ટરવ્યુમાં પહોંચી હતી પરંતુ અંતિમ પસંદગી ન થઇ હતી. વર્ષ 2019 ના પ્રયાસમાં, મુદ્રાએ ફરીથી ઇન્ટરવ્યુ આવ્યું હતું, આ વખતે પણ તે આ યાદીમાં સ્થાન મેળવી શકી નથી. ત્યારબાદ મુદ્રા 2020 UPSC સિવિલ સર્વિસ પરીક્ષામાં મુખ્ય તબક્કામાં પહોંચી હતી. અંતે વર્ષ 2021ની પરીક્ષામાં મુદ્રાએ 165મો રેન્ક મેળવ્યો હતો અને તે IPS બની. આ વખતે તેમનો રેન્ક ઘણો સારો હતો. કદાચ આ વખતે તેમને તેમની પસંદગીની સર્વિસ અને કેડર બંને મળશે.
મુદ્રાના પિતા અરુણ ગેરોલાએ કહ્યું કે તેમનું સપનું હતું કે તેમની પુત્રી IAS બને, રિપોર્ટ અનુસાર મુદ્રાના પિતા અરુણ પણ સિવિલ સર્વિસમાં જોડાવા માંગતા હતા. અરુણે વર્ષ 1973માં યુપીએસસીની પરીક્ષા આપી હતી, તે સમયે તે ઈન્ટરવ્યુ માંથી બહાર થઇ ગયા હતા. અરુણે 1974માં ફરી વાર પરીક્ષા આપી, પરંતુ બીમારીના કારણે તે ઈન્ટરવ્યુ આપી શક્યા ન હતા. અરુણએ વધુમાં કહ્યું કે તેની દીકરીએ તેનું સપનું પૂરું કર્યું છે.
પરીક્ષાના ત્રણ તબક્કા પછી UPSC દ્વારા અંતિમ પરિણામ જારી કરવામાં આવે છે. પ્રિલિમ, મેન્સ અને ઇન્ટરવ્યુ ત્રણ તબક્કા છે. વર્ષ 2022 ની પરીક્ષા માટે UPSC એ 1022 પોસ્ટ પર વૈકેંસી બહાર પાડી હતી.
સિવિલ સર્વિસીસ 2022ની પ્રિલિમ પરીક્ષામાં 5 લાખથી વધુ ઉમેદવારો બેઠા હતા. સપ્ટેમ્બર 2022માં લેવાયેલી મુખ્ય પરીક્ષા કુલ 13 હજાર 90 ઉમેદવારોએ પરીક્ષા આપી હતી. જેમાં કુલ 2 હજાર 529 ઉમેદવારો સફળ થયા હતા. તેને ઈન્ટરવ્યુ એટલે કે વ્યક્તિત્વ પરિક્ષણ માટે બોલાવવામાં આવ્યો હતો. આ પરીક્ષણો આ વર્ષે જાન્યુઆરીથી મે વચ્ચે કરવામાં આવ્યા હતા.
સ્ક્રીનને ડાબી તરફ સ્વાઇપ કરીને બીજા આર્ટિકલ્સ પણ વાંચો…. <—<—
અમારુ આ આર્ટીકલ વાચવા માટે તમારો ખુબ ખુબ આભાર,અમે આશા રાખીએ છીએ કે તમને અમારુ આ આર્ટીકલ ગમ્યું હશે આ આર્ટીકલ તમારા મિત્રો સાથે શેર કરો.
જીવન જરૂરિયાત તેમજ અન્ય મહત્વની માહિતી મેળવવા માટે આપણું સૌનુ ફેવરીટ @KhedutSupportPage ફેસુબક પેજ લાઇક કરો. આભાર…
