ના ખાતર ખરીદ્યું ના બીજ! તેમછતાં ઉષાબેને ત્રણ એકર માંથી કરી બે લાખની ચોખ્ખી કમાણી

118
Published on: 10:39 am, Mon, 18 October 21

આજે અમે આપને એક એવી મહિલાની સફળતાની કહાની જણાવવા જઈ રહ્યા છીએ કે, જે ન તો ભણેલી છે કે ન તો કોઈ મોટા શહેરમાં રહે છે. એમ છતાં પણ તેઓ તેમના ગામ તથા પાસેના કેટલાક ગામોની મહિલાઓ માટે એક રોલ મોડેલ બની છે. આજે આપણે ગુજરાતના નર્મદા જિલ્લામાં આવેલ સાગબારા તાલુકાની મહિલા ખેડૂત ઉષા વસાવાની વાત કરવા જઈ રહ્યા છીએ.

ઉષા એ આજથી 17 વર્ષ અગાઉ એક સામાન્ય ગૃહિણી હતી. તેમના પતિ દિનેશ વસાવા એક ખેડૂત હતા કે, જે પોતાની ફક્ત 5 એકર જમીનમાં ખેતી કરી રહ્યા હતા પણ ખેતીમાં ખાતર, બિયારણ, મજૂરીનો ખર્ચ એટલો હતો કે, માંડ-માંડ ઘર ચાલી રહ્યું હતું.‌ આવા સમયે ઉષાએ ખેતીમાં અમુક ફેરફાર લાવવાનું નક્કી કર્યું હતું. તેમને ખેતી અંગે વધુ ન હતી.

તેમને Aga Khan Rural Support Programme (India) અંગે જાણ પડી હતી. તેઓ જણાવે છે કે, આ સમયે ઘરની બહાર નીકળવું એટલું સરળ ન હતું પણ મારે મારી આર્થિક સ્થિતિને બદલવી હતી. જેથી જ હું વર્ષ 2005 માં AKRSPIમાં જોડાઈ હતી.

તાલીમથી આવ્યું પરિવર્તન:
ઉષા જણાવે છે કે, અમને ત્યાં લીડરશીપ, જમીન પર મહિલા અધિકાર તેમજ સરકારના નિયમો તથા યોજનાઓ અંગે માહિતી આપી હતી. આની સાથે જ અમે ઓર્ગેનિક ફાર્મિંગ તાલીમ પણ લીધી હતી. કારણ કે, આ સમયે ખૂબ જ ઓછા લોકો જૈવિક ખેતી અંગે જાણતા હતા, જેથી તમામ લોકોને લાગતું હતું કે, આ રીતે ખેતી કરવાથી સારો પાક નહીં થાય.

તેઓ જણાવે છે કે, આ સમયે હાઇબ્રીડ બીયારણ તેમજ નવા રાસાયણિક ખાતરોનો વધારે ઉપયોગ થતો હતો પણ તેમને પોતાની તાલીમ પર પુરેપુરો વિશ્વાસ હતો. તાલીમ દરમ્યાન, તેમને વર્મી કમ્પોસ્ટ (અળસિયાનું ખાતર) બનાવતા તેમજ ઓર્ગેનિક જંતુનાશક બનાવતા પણ શીખવાયુ હતું.

ખેતીમાં દેશી પદ્ધતિનો ઉપયોગ
તેઓ જણાવે છે કે, અમે ખેતરોમાં ગૌમૂત્રને દવા તરીકે ઉપયોગ કરીએ છીએ. પંપની મદદથી, તેઓ ખેતરોમાં છંટકાવ કરે છે કે, જેથી જંતુઓ નાશ પામે છે. આની ઉપરાંત, ગૌમૂત્રની અસર ખુબ લાંબા સમય સુધી રહે છે. જયારે છાણનો ઉપયોગ ખાતર માટે કરી શકાય છે. ફક્ત એક એકર જમીન માટે ખાતર તૈયાર કરવા માટે, 20 કિલો છાણ, 5 લિટર ગૌમૂત્ર, એક કિલો ચણાનો લોટ, 1 કિલો ગોળ તેમજ 5 કિલો માટીની જરૂર પડે છે. આ બધાને મિશ્રિત કર્યા બાદમાં થોડા સમય માટે સૂકવવા દેવામાં આવે છે. બાદમાં તેને ખેતરમાં નાખવામાં આવે છે.

પોતાની સાથે હજારો મહિલાઓને રોજગાર સાથે જોડી:
તેમને પોતાના તાલુકાના સરકારી વિભાગોનીં સાથે મળીને, મહિલા ખેડુતોના હક માટે કામની શરૂઆત કરી હતી. વર્ષ 2012 માં, ઉષાએ તેમના તાલુકાની કેટલીક મહિલાઓ સાથે મળી નવજીવન આદિવાસી મહિલા વિકાસ મંચની રચના કરી હતી જેમાં અન્ય આદિવાસી મહિલાઓને પણ ખેતી અંગેની તાલીમ અપાય છે તેમજ તેમની પોતાની જમીન પર ખેતી કરવા માટે પ્રેરણા આપે છે.

આગળ જણાવતા કહે છે કે, અમે વિવિધ કોમ્યુનિટી ટ્રેનર તૈયાર કરીએ છીએ. બાદમાં, તે ટ્રેનર પોતાના વિસ્તાર આજુબાજુની મહિલાઓને તાલીમ આપે છે. આ જ રીતે આજે તેમના ‘નવજીવન આદિવાસી મહિલા વિકાસ મંચ’ માં 3,000 મહિલાઓ જોડાઇ ચુકી છે. આજે આ તમામ મહિલાઓ જૈવિક ખેતી તેમજ તેમના પાકની પ્રોસેસિંગ કરી પણ અન્ય કેટલાક ઉત્પાદનો તૈયાર કરી રહી છે.

સ્ક્રીનને ડાબી તરફ સ્વાઇપ કરીને બીજા આર્ટિકલ્સ પણ વાંચો…. <—<—
અમારુ આ આર્ટીકલ વાચવા માટે તમારો ખુબ ખુબ આભાર,અમે આશા રાખીએ છીએ કે તમને અમારુ આ આર્ટીકલ ગમ્યું હશે આ આર્ટીકલ તમારા મિત્રો સાથે શેર કરો.
જીવન જરૂરિયાત તેમજ અન્ય મહત્વની માહિતી મેળવવા માટે આપણું સૌનુ ફેવરીટ @KhedutSupportPage ફેસુબક પેજ લાઇક કરો. આભાર…