ઉત્તરપ્રદેશમાં આવેલ બારાબંકી જીલ્લામાં મોટાપાયે ડ્રેગન ફળોની ખેતી કરવામાં આવી રહી છે. ગયા પ્રસાદ મૌર્ય અને તેમના ભાઈઓ આ ફળની ખેતી કરે છે. તેઓ એક જ સિઝનમાં લાખો રૂપિયા કમાય છે. આટલું જ નહીં, સ્વાસ્થ્યના દૃષ્ટિકોણથી આ ફળ ખૂબ જ ફાયદાકારક છે.
જેને પોષણનું પાવર હાઉસ પણ કહેવામાં આવે છે. તેના ઘણા ફાયદા છે. તેનું સેવન કરવાથી ઘડપણની અસર ઓછી થાય છે. કારણ કે, તે ડાયાબિટીસ, કોલેસ્ટ્રોલ, હૃદયના દર્દીઓ માટેનો રામબાણ ઈલાજ છે. આ ફળ સ્વાદમાં મીઠું અને તાજગીદાયક છે. સામાન્ય રીતે આ ફળ વિયેતનામ, શ્રીલંકા, ચીનમાં ખૂબ જ લોકપ્રિય છે.
ભારતીય બજારોમાં તેની કિંમત 300-400 રૂપિયા પ્રતિ કિલો હોવાને કારણે ભારતમાં તેનો વ્યાપ વધી રહ્યો છે. ઉત્તરપ્રદેશના બારાબંકીમાં ડ્રેગન ફળોની ખેતી કરનાર સૌપ્રથમ ખેડૂત ગયા પ્રસાદ મૌર્ય છે પરંતુ તેમની ખેતી જોઈને, આજે ઘણા ખેડૂતોએ પણ ડ્રેગન ફળોની ખેતી શરૂ કરી છે અને લાખો રૂપિયાનો નફો મેળવી રહ્યા છે.
બારાબંકીથી 18 કિમી દૂર દેવા શરીફ પાસે બિશુનપુર ગામમાં પ્રગતિશીલ ખેડૂત ગયા પ્રસાદ મૌર્યએ 1 એકર જમીનમાં ડ્રેગન ફળોની ખેતી શરૂ કરી છે. આ એક વિદેશી ફળ છે. બારાબંકીમાં તેની ખેતી મુશ્કેલ હતી પરંતુ ગયા પ્રસાદની મહેનતનું ફળ મળ્યું જેથી આજે ડ્રેગન ફળોની ખેતી સરળતાથી થઈ રહી છે.
જમીનમાં સિમેન્ટના થાંભલાની મદદથી ખેતરમાં ડ્રેગન ફ્રૂટના છોડ વાવવામાં આવે છે. આ છોડને વધારે સિંચાઈની જરૂર નથી. તે ટપક દ્વારા સિંચાઈ થાય છે. આવી પરીસ્થિતિમાં તેની ખેતી કોઈપણ ઋતુમાં નુકસાનકારક નથી. શિયાળામાં જ ફૂગ આવવાનો ભય રહે છે. તે પણ ઓર્ગેનિક ખાતર છંટકાવ પછી, ફૂગ સમાપ્ત થાય છે.
ગયા પ્રસાદે જણાવ્યું કે, શરૂઆતમાં ખેતરમાં તેને રોપવા માટે 5 લાખ રૂપિયાનો ખર્ચ થાય છે. એકવખત સખત મહેનત બાદ, જ્યારે તેનો પ્લાન્ટ તૈયાર થાય જેથી તે આગામી વર્ષથી જ ફળ આપવાનું શરૂ કરી દે છે. તેના છોડ જૂનથી ડિસેમ્બર સુધી ફળ આપે છે.
વરસાદની સીઝનમાં ફળો વધુ આવે છે. ગુજરાતમાંથી 1,000 રોપાઓ લાવવામાં આવ્યા છે તેમજ 1 એકરમાં રોપવામાં આવ્યા છે. ડ્રેગન ફળનો એક છોડ 8 થી 10 ફળ આપે છે. કુલ 500 ગ્રામ વજન ધરાવતા આ ફળને સિઝનમાં 400 રૂપિયા પ્રતિ કિલો સુધીનો ભાવ મળે છે.
સૌપ્રથમ વર્ષમાં ખર્ચ થાય છે જયારે બાકીના વર્ષોમાં, જાળવણીનો ખર્ચ આવ્યો છે, બાકીનો નફો. આ ફળ સ્વાસ્થ્ય માટે ખૂબ જ ફાયદાકારક છે. ડ્રેગન ફળ, કેલ્શિયમ, મેગ્નેશિયમ અને આયર્ન ઉપરાંત, વિટામિન સી અને એ પણ વિપુલ પ્રમાણમાં જોવા મળે છે.
આ ગુણોને કારણે, તેને સુપર ફળ પણ કહેવામાં આવે છે. તમે તેને સલાડ, જામ, જેલી અથવા રસના રૂપમાં તમારી ઇચ્છા મુજબ ખાઈ શકો છો. કોઈપણ રીતે, તે તમારા સ્વાસ્થ્યને સુરક્ષિત રાખશે. તેમાં રહેલા એન્ટીકિસડન્ટ અને વિટામિન તમારી રોગપ્રતિકારક શક્તિમાં વધારો કરશે.
ભારત સરકારે ડ્રેગન ફ્રૂટનું નામ કમલમ ફળ રાખ્યું છે. તાજેતરના સમયમાં જ જિલ્લામાં તેની ખેતી શરૂ થઈ છે. આ અદ્યતન ખેતી ખેડૂત ગયા પ્રસાદ દ્વારા કરવામાં આવે છે. તેમની ખેતી જોઈને જિલ્લાના ઘણા ખેડૂતોએ ડ્રેગન ફળોની ખેતી શરૂ કરી છે. ગયા પ્રસાદ અને તેના ત્રણ ભાઈઓએ ડ્રેગન ફળોની ખેતી કરીને ખેડૂતોને નવો રસ્તો બતાવ્યો છે.
